تبلیغات
اورمو قیزلاری گؤیلرین اولدوزلاری - تبریزیم

اورمو قیزلاری گؤیلرین اولدوزلاری

منیم دیلیم گؤزلدیر

تبریزه جانلار فدا اولسون وفانین جانی دیر
مین لر اینسان توپراقیندا جان وریب، جانانی دیر

چشمه سی جوشغون سویو داشغین سا توپراغی قیزیل
هاردا بو وصفی گوروبسن كی بهشت ایمكانی دیر

باغلارین دا گول چیچك بستان لاریندا میوه لر
نعمتین بول گوستریب گویا كی جنت خوانی دیر

تبریزین آب و هواسی دونیادا مشهور اولوب
چاره لر واردیر سویوندا درد لرین درمانی دیر

پیشه ور جعفر كیمین اینسان لارین جان توپراغی
سورما آزاد لیخ یولوندا كیم لری قربانی دیر ؟

قهرمان لار بوی آتیپ توپراق لاریندا هر زامان
اولكه مین شوكت شانی بو ایفتیخار دستانی دیر

هاردا گورموش گوزلرین تبریز كیمین شوكت لی یئر
جنتین بیر گوشه سی اولماز كی جنت ثانی دیر

بابك ین آدی قالیب باقی جهاندا هر زامان
ارْس باران اورمانیندا شئر لرین سلطانی دیر

دنیانین دورد گوشه سین گزسن گوررسن نظمی وار
سان كی اللاهین یازیلمیش اینجی لر دیوانی دیر

شهریارین شعری گلمیش اوت سالیب شاعیر لره
شعرینه جانلار فدا اولسون وفالار كانی دیر

بیر طرفده گورسنیر ستار خانی باقیر خانی
ال بیر اولموش لار قیامدا میلتین آرمانی دیر

سن قووپ توركو باشیندان بیز لره بهتان دئمه
فارس میلت ده نه وارمیش تورك لرین احسانی دیر

فارس میلت شمشیر آلتین دا ایر دینین سچیپ
توركه قورقود دین گتیرمیش منشا ایمانی دیر

گوزلرین آچ سان گوررسن تبریزی ایران تاجی
بیر ایشیل اولدوز كیمین اوزگورلویون مید انی دیر

سس گلیر گویدن كی مهدی سن قولاخ وئر سوزلره
آز یاشا آزاد یاشا بو اللاهین فرمانی دیر

 

 

 

 

 

سنله یاشاییرام، سنینله وارام

حیات پیكریمه، گوز آنا دیلیم

سنسن اسكی گونوم، گله جه ییمده

یابانجی سوزلره، دوز آنا دیلیم



حیات اینجه لیین، گول بوداغیندا

شیرین نغمه لری، یار دوداغیندا

شعیر چیچكلرین، موغام باغیندا

سویله سن سئویملی سوز آنا دیلیم



یالتاقلیق قوخوسو، سنه چاتماسین

قارشی چیخ یاساغا، حاققین باتماسین

ائله آرخالان كی، سنی آتماسین

صنعت دریاسیندا، اوز آنا دیلیم



سمادان گئنیش سن،  دنیزدن درین

گاهدان آتش كیمی، گاهدان دا سرین

یوكسه لیر سنینله ایگیدین، ارین

بیر گون قور ائده جك كوز، آنادیلیم



كور اولسون خور باخان گوزلری سنه

دوشمه سین وارلیغین دومانا- چنه

سئوگیلیم بیرلیكده دئیه ك وطنه

یاشاسین ائل اوبام، اوز آنا دیلیم



سویله دردیمیزی، تاپ درمانیندا

گووه نك قوی سنه، ائللر یانیندا

قورقود دده میزین دئنن شانیندا

آشیقلار سازیندا، سوز آنادیلیم



عصیرلردن باشدا بیزه ساری باخ

دوستلاری سئویندیر، دوشمنلری یاخ

((آفاقا)) یاییلیب زنگین لییین باخ

اینجی لر مصراعدا، دوز آنا دیلیم

یازان:  فریبا ابراهیمی(آفاق)

[ یکشنبه 4 دی 1390 ] [ 05:17 ب.ظ ] [ ipək ]

[ نظرات() ]