تبلیغات
اورمو قیزلاری گؤیلرین اولدوزلاری - آنا دیلی

اورمو قیزلاری گؤیلرین اولدوزلاری

منیم دیلیم گؤزلدیر

سنله یاشاییرام، سنینله وارام

حیات پیكریمه، گوز آنا دیلیم

سنسن اسكی گونوم، گله جه ییمده

یابانجی سوزلره، دوز آنا دیلیم



حیات اینجه لیین، گول بوداغیندا

شیرین نغمه لری، یار دوداغیندا

شعیر چیچكلرین، موغام باغیندا

سویله سن سئویملی سوز آنا دیلیم



یالتاقلیق قوخوسو، سنه چاتماسین

قارشی چیخ یاساغا، حاققین باتماسین

ائله آرخالان كی، سنی آتماسین

صنعت دریاسیندا، اوز آنا دیلیم



سمادان گئنیش سن،  دنیزدن درین

گاهدان آتش كیمی، گاهدان دا سرین

یوكسه لیر سنینله ایگیدین، ارین

بیر گون قور ائده جك كوز، آنادیلیم



كور اولسون خور باخان گوزلری سنه

دوشمه سین وارلیغین دومانا- چنه

سئوگیلیم بیرلیكده دئیه ك وطنه

یاشاسین ائل اوبام، اوز آنا دیلیم



سویله دردیمیزی، تاپ درمانیندا

گووه نك قوی سنه، ائللر یانیندا

قورقود دده میزین دئنن شانیندا

آشیقلار سازیندا، سوز آنادیلیم



عصیرلردن باشدا بیزه ساری باخ

دوستلاری سئویندیر، دوشمنلری یاخ

((آفاقا)) یاییلیب زنگین لییین باخ

اینجی لر مصراعدا، دوز آنا دیلیم


[ دوشنبه 14 فروردین 1391 ] [ 11:02 ق.ظ ] [ ipək ]

[ نظرات() ]