تبلیغات
اورمو قیزلاری گؤیلرین اولدوزلاری - عشق

اورمو قیزلاری گؤیلرین اولدوزلاری

منیم دیلیم گؤزلدیر


آپلود عکس


گئجه خلوتجه بیزه سئوگیلی یار گلمیش ایدی،
اوزو آیدان دا گؤزل نازلی نیگار گلمیش ایدی.

تر آخیب گول یاناغیندان، بولود اؤرتموشدو آیی،
اونو دوشمنمی قوووب، كؤنلو قوبار گلمیش ایدی؟

اونا من گؤز یئتیریب خلوتی باخدیم، باخدیم،
اووچونون اوولاغینا كؤرپه شیكار گلمیش ایدی.

اویویوب هر ایكیمیز راحت اولوب بیر یاتدیق،
بختیمین باغچاسینا گوللو باهار گلمیش ایدی.

دئدی: - گئتمك دمیدیر، سؤیله، نه ایسترسن یار؟
بیر اؤپوش ایسته‌دیم اوندان... یئری وار، گلمیش ایدی.

آغلاییب گئتدی او یار، گؤز یاشی یاندیردی منی،
اودلارا یاندی دیلیم، سانكی شرار گلمیش ایدی.

ائی نظامی! - دئدی - بیردن آییلیب، گؤردوم او یوخ،
دئمه رؤیادا بیزه چشمی-خومار گلمیش ایدی.

شعر: استاد نظامی



[ چهارشنبه 28 آبان 1393 ] [ 07:56 ب.ظ ] [ ipək ]

[ نظرات() ]